Елбасының «Болашаққа бағдар: рухани жаңғыру» бағдарламасы аясында, «Астана қаласының – 20», «Қызылорда қаласының – 200» жылдығына орай, аудандық ардагерлер кеңесі мен «Наркескен» спорт клубының ұйымдастыруымен аудан ардагерлері арасында тоғызқұмалақ ұлттық ойынынан жарыс өтті.
Сайысты аудандық ардагерлер кеңесінің төрағасы Садық Алиев ашып, спортшы ардагерлерге сәттілік тіледі.
Сонан соң, бас төреші М.Жаңабергенов ардагерлерге негізгі шарттар мен тоғызқұмалақтың ережесімен таныстырып, өткізілу ерекшеліктері мен тыйым салынған амалдарын түсіндіріп өтті.
Жарысқа 14 ауылдық округтерден ардагер тоғызқұмалақшылар және кент орталығынан Ғ.Ержанов, Т.Аштанбаева, Б.Жапақов, Е.Төлепбай, Т.Аштанбаева, К.Аманова, Ж.Жылқышиева, Д.Мирман, Ф.Оспанова, Ж.Жақияев, Жаңадария ауылынан С.Тұрмаханов, Ш.Ағытаева, А.Ағытаева, Аққұм ауылынан А.Ақбергенова және М.Шәменов ауылынан Ш. Дүйсенбиевалар қатысты.
Жарыс жеңімпаздарына аудандық ардагерлер кеңесінің дипломдары мен ақшалай сыйлықтары табыс етілді.