Еуропа Лигасында Денис Теннің суреті бар киім киіп шыққан «Астаналық» футболшылар жеңіске жетті
«Астана» клубының футболшылары Чемпиондар лигасының екінші іріктеу кезеңінде өз алаңында даниялық «Мидтьюлланд» клубымен кездесті. Ойын алаң иелерінің пайдасына аяқталды.
«Астаналық» футболшылар алаңға Олимпиада ойындарының жүлдегері, мәнерлеп сырғанаушы, марқұм Денис Теннің суреті бейнеленген футболка киіп шықты.
Ойынның алғашқы таймында «Астаналықтар» есеп ашып, Ласло Кляйнхайслер алғашқы гол соқты.
Екінші таймның басында даниялық ойыншылар да есе жібермей, Густав Викхейм есеп теңестірді.
Ойынның қосымша минуттарында тағы бір гол соққан Кляйнхайслер «Астана» клубына жеңіс сыйлады.
Ойын елордадағы «Астана Арена» алаңында өтті. Қарымта ойын 1 тамызда Хернингте өтеді деп жоспарланған.
sport.kz
