Қазақстандық Еламан Саясатов Таиландта өткен тай боксы бойынша студенттер арасындағы әлем чемпионатында алтын жүлдеге ие болды.

Бұл туралы SPORTINFORM агенттігіне сілтеме жасап Stan.kz ақпарат агенттігі хабарлайды.
29 шілдеде Паттайяда тай боксы бойынша FISU әлем чемпионаты аяқталды.
Сайыстың ақтық кезеңінде қазақстандық спортшы Еламан Саясатов ресейлік қарсыласы Асланбек Зикирьеевті жеңіп, 54 келі салмақ дәрежесінде студенттер арасындағы әлем чемпионы атанды.
Айта кетсек, Еламан Саясатов сайыста алтын жүлдеге ие болған жалғыз қазақстандық болды. Сонымен қатар, Қазақстан құрамасының қоржынында 2 күміс, 4 қола жүлде бар.



Stan.kz