«Қайрат» Еуропа Лигасының үшінші раундына шықты

«Қайрат» Еуропа Лигасының үшінші раундына шықты

Алматылық «Қайрат» Еуропа Лигасының екінші іректеу раундындағы қарымта матчта голландиялық «АЗ Алкмар» футбол клубынан 2:1 есебімен жеңілді, деп хабарлайды Baq.kz ақпарат агенттігі.

Ойын 2 тамыздан 3 тамызға қараған түні Алкмарда өтті. Алғашқы таймның 28-минутында пенальти есебінен Бауыржан Исламхан гол соқты. Алайда «Қайрат» есепті ұстап тұра алмады. Матчтың 41-минутында «АЗ Алкмар» сапындағы жартылай қорғаушы Гуус Тил алматылық клуб қақпасына гол соқты.

90 минут аяқталған соң төрешілер қосқан қосымша уақытта «Қайраттың» қақпасына Теун Коопмейнерс гол соғып, өз алаңдарында голландиялық клуб жеңіске жетті.
Алайда Аламатыда өткен «Қайрат» пен «АЗ Алкмар» арасындағы алғашқы матчта алаң иелері 2.0 есебімен жеңіске жеткен болатын. Осылайша қазақстандық клуб 3:2 есебімен Еуропа Лигасының үшінші раундына шығып отыр.

Baq.kz