Месси жыл соңына дейін Аргентина құрамасында ойнамайды

Аргентина құрамасының шабуылшысы және капитаны Лионель Месси 2018 жылдың соңына дейін ұлттық құрама сапында алаңға шықпайды. Бұл туралы TNT Sports басылымы Twitter желісінде жазды.

Хабарламада: "Месси жыл соңына дейін Аргентинаның құрамында ойнамайды. Алайда, бұл жағдай футболшының халықаралық мансабы аяқталғанын білдірмейді. Оның нақты қай уақытта құрамаға қайта оралатынын алдағы уақытта жазатын боламыз", - делінген.

Хабар таратқан басылымның журналисі Эрнан Кастильоның жеке пайымы бойынша, 31 жастағы футболшы Ресейде өткен Әлем чемпионатындағы сәтсіздіктен кейін осындай шешімге келген. Сол себепті, ол 7 қыркүйекте өтетін Аргентина-Гватемала және 11 қыркүйекке жоспарланған Аргентина-Колумбия жолдастық кездесулеріне қатыспайды.

Дереккөз: massaget.kz