15 қыркүйек күні Лас-Вегаста өтетін Генадий Головкин мен Сауль "Канело" Альварес жекпе-жегінің нақты уақыты белгілі болды. Бұл туралы sports.kz сайтына сілтеме жасаған NUR.KZ хабарлайды.

Тікелей эфирде көрсетілмейтін жекпе-жектер жергілікті уақыт бойынша 14:00-де (Астана уақытымен 15 қыркүйектен 16 қыркүйекке қараған түні сағат 03:00-де), PPV-кард сағат 17:00-де (Астана уақыты бойынша 06:00-де) өтеді.
Ал Головкин мен Альварес шаршы алаңға жергілікті сағат 19:00 мен 19:30 арасында шығады деп күтілуде. Бұл Астана уақыты бойынша 16 қыркүйек таңғы сағат 08:00 мен 08:30 арасын көрсетіп отыр.
Қазақстандықтар шоудың тікелей көрсетілімін "Qazsport" және "Qazaqstan" телеарналарынан көре алады.