«Қайрат» Еркебұлан Сейдахметті 1 млн еуроға сатып алуы мүмкін

Астана, BAQ.KZ. Қазақстан құрамасы мен ресейлік «Уфа» клубының шабуылшысы Еркебұлан Сейдахмет алматылық «Қайратқа» 1 млн еуромен ауысуы мүмкін. Бұл туралы KazFootball.kz сайты хабарлады.

KazFootball.kz мәліметінше, Еркебұлан Сейдахмет Ресей премьер-лигасының бірінші айналымы аяқталған соң «Қайратқа» 1 млн евро сомасындағы транфермен ауысуы мүмкін.

18 жастағы Сейдахмет «Уфа» клубы сапында ақпан айынан бастап ойнайды. Ресей премьер-лигасында үш матч өткізіп, екі ескерту қағазын алған.

Наурыз айында қазақстандық футболшы Қазақстан құрамасында алаңға шығып, осы уақытқа дейін 6 матч өткізіп, 2 гол соқты.

Baq.kz