21 жастағы қазақ баласы WBC чемпионы атанды
Қазақстандық боксер Ескендір Харсен WBC чемпионы атанды. Бұл кәсіби мансабындағы бесінші төбелесін өткізді.
Ескендірдің қарсыласы америкалық Хорхе Рамос. Жекпе жек 8 раундқа созылды. Төрешілердің шешімімен жекпе жекте Ескендір Харсен жеңіске жетті, деп жазады Sports.kz.
Бұл Ескендірдің бесінші жеңісі. Ол екінші жеңіл салмақта WBC Intercontinental “жастар” титулын қанжығасына байлады.
Бұл Харсеннің кәсіби рингтегі екінші белбеуі. Қыркүйек айында спортшы WBB белбеуін ұтқан еді. 21 жастағы Ескендір кәсіби мансабын 2017 жылдың шілде айында бастады.
Stan.kz
