Қарсыласын нокаутпен жеңген қазақ боксшысы шетелдік БАҚ назарына ілікті
Канадалық БАҚ қазақ боксшысы Нұрзат Сабыровтың Монреалдағы жеңісін ерекше атап өтті деп хабарлайды Sports.kz сілтеме жасаған KAZ.NUR.KZ.
Жетінші раундта Нұрзат Сабыров техникалық нокаутпен аргентиналық қарсыласы Сесар Эрнан Риносоны ұтты.
"Нұрзат Сабыров - осы шоудың үздік жұлдызы. Бұл өте жақсы жетістік", - деп жазды TVA Sports сарапшысы Нэнси Оде Twitter желісіндегі парақшасында.
Айта кетейік, отандық спортшы кәсіпқой бокстағы алғашқы кездесуін 2017 жылдың маусым айында өткізген. Содан бері ол тоғыз рет жеңіске жетті.
Қазақстандық боксшы сегіз кездесуінде қарсыласын нокаутқа жіберген.
KAZ.NUR.KZ.
