Қазақстандық 6 боксшы халықаралық турнирде финалға шықты
Нұр-Сұлтан, BAQ.KZ. Бокстан Қазақстан командасы Бакудегі «Жібек жолы» турнирінде алғашқы жүлделерге ие болды. Бұл туралы Olympic.kz сайты жазды.
Еліміздің боксшылары Ермек Мәдиев пен Әлібек Алмасбек жартылай финалда есе жіберіп, қола медальға ие болды.
Бұл ретте, тағы алты боксшы финалға шықты.
Алтын жүлде үшін 49 келіге дейінгі салмақ дәрежесінде Айқынбай Шалқар бақ сынайды.
Олжас Байниязов 52 келіге дейінгі салмақ дәрежесінде финалда әзербайжандық боксшымен жұдырықтасады.
Оразбек Асылқұлов 56 келіге дейінгі, ал Бақберген Сабыржан 64 келіге дейінгі санатта жекпе-жекке шығады.
Сонымен қатар, басты айқаста Өскенбек Мәулен (69 келіге дейінгі) мен Данила Семенов (91 келіден астам) өнер көрсетеді.
Әзербайжандағы турнирге ел намысын қорғауға 6 боксшы аттанған.
Байрақты бәсеке 2 сәуірге дейін жалғасады.
BAQ.KZ
Фото: ашық дереккөз
