Еуропа лигасының ағылшындық финалында «Челси» клубының футболшылары «Арсеналды» ойсырата жеңіп кетті.

Бұл туралы Stan.kz ақпарат агенттігі Vesti.kz порталына сілтеме жасап хабарлайды. 
Лондондық клубтардың ойыны Бакуде өтті. Ойын 4:1 есебімен аяқталды. Барлық гол екінші таймда салынды. Ойынның 49-минутында Оливье Жиру басымен гол соғып, есеп ашты. 

Мұнан кейін 60-минутта Педро екінші голды, 65-минутта Эден Азар үшінші голды соқты.  
69-минутта «арсеналдық» Алекс Ивоби гол салып, есеп ашты. Алайда 72-минутта Азар қақпаға кірген доп санын 4-ке жеткізді. 



«Челси» үшін бұл Еуропа лигасындағы екінші жеңіс болды. Олар аталған додада 2013 жылы жеңіске жетіп, португалиялық «Бенфиктен» басым түскен еді. 
Ал «Арсенал» Еуропа лигасының финалында екінші рет жеңіліп отыр.



http://stan.kz