ҚОҒАМДЫҚ ҚАБЫЛДАУ ӨТТІ
Тұрғындардың құқықтық сауаттылығын арттыру, құқық бұзушылыққа мүлдем төзбеушілік қағидатын қалыптастыру және сыбайлас жемқорлықтың алдын алу мақсатында Қызылорда облыстық ішкі саясат басқармасы мен "Самұрық" инновациялық идеяларды дамыту орталығы" қоғамдық қорының ұйымдастыруымен бүгін Жалағаш аудандық халыққа қызмет көрсету орталығында қоғамдық қабылдау өткізілді.
Қоғамдық қабылдауға "Самұрық" инновациялық идеяларды дамыту орталығы" қоғамдық қорының директоры Жандос Тұсмағамбетов, аудан прокурорының орынбасары Шыңғыс Есжанов, аудан әкімі аппаратының мемлекеттік құқықтық жұмыстар бөлімінің басшысы Қайрат Жаппасбаев аудан тұрғындарының ұсыныс-пікірлерін, өтініш-тілектерін тыңдап, тиісті мәліметтер берді.
