Сайлаушылар өз таңдауын жасады
Кент орталығындағы Қ.Қазантаев атындағы мәдениет үйінде орналасқан №128 сайлау учаскесіне азанымен дауыс беруге жиналған жалағаштықтар өз таңдауын жасады. Таңғы сағат 7:00-ден 8:30-ға дейін науқанда 30-ға жуық жалағаштық дауыс берді. Сайлау барлық санитарлық талаптар сақталып өтуде. Аталған сайлау учаскесіне келіп өз тандауын жасағандар қатарында аудан әкімі Асылбек Шаменовте бар.
Айта кетейік, Жалағаш ауданында 26 сайлау учаскесі бар. Оның алтауы аудан орталығында орналасса, қалған 20-сы ауылдық елді мекендерде.
