«Рухани келісім – Тәуелсіздік тірегі»

Қызылорда облыстық ішкі саясат басқармасының «Дін мәселелерін зерттеу орталығы» КММ «Рухани келісім – Тәуелсіздік тірегі» атты облыстық шығармалар байқауын ұйымдастырды. Аталған байқау 11 сынып оқушылары арасында өтті.

Негізгі мақсат – жастардың дәстүрлі дінге және дәстүрлі емес діни ағымдарға деген көзқарасын білу, «Зайырлылық және дінтану пәні негіздері» пәні мұғалімдерінің кәсібилігін анықтау, жастарды рухани шыңдау, ұлттық құндылықтарды бағалауға үндеу болды.
Байқауға барлығы 40-қа жуық шығарма келіп түсті. Қазылар алқасы тарапынан шығарманың мазмұны мен ойдың жеткізілуіне, тіл тазалығына, тақырыптың ашылуына жоғары мән берілді.
Нәтижесінде, бас жүлдені Жалағаш ауданы № 246 мектеп оқушысы Арай Нарпай иеленіп, жеңімпазға ноутбук сыйға берілді.
Басқа да жүлделі орындарға ие болған қатысушыларға смартфон, планшет, электронды кітапшалар табысталды.

«ЖЖ» ақпарат.