ӘДІЛЕТ КЕҢЕС БЕРЕДІ
Бүгін «Nur Otan» партиясы Жалағаш аудандық филиалының мәжіліс залында «Әділет кеңес береді» ашық есік сағаты өткізілді. Аталмыш акцияға аудандық партия филиалы төрағасының бірінші орынбасары Мұстафаева Қаншагүл Шоңмұрынқызы, Қызылорда облысының №2 сот актілері орындау жөніндегі аумақтық бөлімі» филиалының бөлім басшысы, мемлекеттік аға сот орындаушысы Саткеева Жанат Маратовна және жеке сот орындаушыларының Республикалық палатасының Қызылорда облысындағы филиалы-Қызылорда облысы жеке сот орындаушыларының өңірлік палатасының жеке сот орындаушысы Қожамұратов Бағдат Нұрланбекұлы қабылдау жүргізді.Қабылдау онлайн және офлайн форматта өткізілді. «Әділет кеңес береді» акциясының мақсаты тұрғындарға кәсіби заңгерлік көмек көрсету үшін және де құқықтық нормалар мен қолданыстағы заңдарға, сондай-ақ оларға енгізілген өзгерістер мен түзетулер туралы ақпараттар беріп, азаматтардың заң және құқық бойынша түсініктерін қалыптастыру мен жеке жауапкершіліктерін сезіндіру.
«Әділет кеңес береді» акциясы барысында барлық азаматтарға арнайы құқықтық көмектер, сонымен бірге қолданыстағы заңнамалар аясында кеңестер мен түсініктемелер берілді.
