Бүгін еліміздің басым бөлігінде қар, жаңбыр жауады
![](/uploads/posts/2018-03/medium/1522300287_7ad44b5a53042fbce5433efca865f925_crop_l_4_t_3_w_695_h_391_resize_w_520_h_.jpg)
Атмосфералық ауа ағындарының өтуіне байланысты Қазақстанның басым бөлігінде тұрақсыз ауа райы сақталады, жауын-шашын (қар, жаңбыр) жауады, деп хабарлайды Вaq.kz ақпарат агенттігі «Қазгидромет» РМК-ға сілтеме жасап.
Тек батыс аймақтарда жауын-шашын болмайды деп болжанып отыр.
Республиканың кей жерінде жел күшейіп, тұман, көктайғақ, оңтүстікте найзағай, батыста бұрқасын болуы мүмкін.
Ақмола облысының кей жерінде тұман, көктайғақ, бұрқасын, түнде кей жерде, күндіз басым бөлігінде желдің жылдамдығы 15-20 м/с күшейіп, күндіз екпіні 23-28 м/с болуы ықтимал.
Оңтүстік Қазақстан, Жамбыл, Маңғыстау, Шығыс Қазақстан облыстарының кей жерінде найзағай болып, желдің жылдамдығы 15-20 м/с болады.
Сондай-ақ, Атырау, Ақтөбе, Батыс Қазақстан, Қостанай, Павлодар, Қарағанды облыстарының кей жерінде тұман, көктайғақ, желдің күшеюі 15-20 м/с жетеді.
Алматы облысының кей жерінде тұман болады.
Baq.kz