Ел тарихындағы саяси оқиға

Баршамызға белгілі 1 наурыз партияның төрағасы Қасым-Жомарт Тоқаевтың қатысуымен партияның ХХІІ Съезі өткізілді. 1999 жылы дәл осы күні партияның құрылтай Съезі өткен еді. Бүгінгі жиын да партия мен ел тарихында есте қалар күн болмақ. Қазір бүкіл әлемдегі ахуал өзгеріп жатыр. Жаңа құндылықтармен қатар күрделі сын-қатерлер пайда болуда. Осындай аумалы-төкпелі уақытта еліміз дамудың келесі кезеңіне қадам басты. Біз «Жаңа Қазақстанды» құруға кірістік. Бұл – өте ауқымды міндет. Тіпті, болашақтағы тағдырымызды шешетін аса маңызды жұмыс деуге болады. Оны ойдағыдай жүзеге асыру үшін жаңа мақсат-міндеттерімізді айқындап алуымыз қажет.

Аталған съезд барысында партия жұмысын одан әрі жаңғырту бойынша басымдықтарды талқылау жоспарланғанды. Партияның өткен жиынында Қасым-Жомарт Тоқаев "Nur Otan" партиясына "түбегейлі өзгеріс қажет екенін" алға тартып, басымдық беретін бірнеше жайтты атап өткенін бәріміз білеміз. Бүгін міне партияның саяси Кеңесінің құрамына өзгерістер еніп, атауын өзгерту туралы ұсыныс болды. Аманат атауы халқымыз үшін өте қастерлі ұғым. Аманат - ол ата- баба мұрасы, ұрпаққа деген парыз, қасиет, ел үміті, сенімі. Қолдаймыз. Атына заты сай болсын ылайым.

Жақсылық УЗДЕМБАЕВ,
Қызылорда облыстық маслихат депутаты.