2018 жылғы білім гранты иегерлерінің тізімі шықты
![](/uploads/posts/2018-08/medium/1533547100_f80b467f0d9626bb60156852053b6b7d_xl.jpg)
Қазақстан Республикасының Білім және ғылым министрлігі 2018-2019 оқу жылына арналған білім гранттары иегерлерінің тізімін жариялады, деп жазады Stan.kz ақпараттық агенттігі.
Биылғы жылы білім беру гранттары иегерлерінің тізімі электронды нұсқада жарияланды. Мемлекеттік грантты иеленіп, ЖОО-на түскендердің толық тізімін осы жерден көре аласыздар.
Сондай-ақ, тізімді egemen.kz, kazpravda.kz, testcenter.kz сайттары немесе @testcenterBot телеграм боты арқылы көруге болады.
Естеріңізге сала кетейік, 2018-2019 оқу жылына жоғары білімі бар мамандарды даярлауға 53 594 грант, магистрлерді даярлауға 12 504 грант және PhD докторларын даярлау үшін 2 240 грант бөлінді.
Айта кетейік, биыл мемлекет есебінен техникалық мамандықтарға көп грант бөлінген. Сондай-ақ, білім беру гранттарының саны бойынша денсаулық сақтау саласына (2500), жаратылыстану ғылымдарына (3,161), ауыл шаруашылығы және ауылшаруашылығы ғылымдарына(2 мыңға жуық), әлеуметтік ғылымдарға(1,495) , «Гуманитарлық ғылымдарға» (1 355) орын бөлініп отыр.
Stan.kz