ҚР Парламенті Сенатының депутаттары жұмыс сапарымен Қызылорда облысында болды. Іс-са­пар барысында олар Сыр өңіріндегі әлеуметтік ны­сан­­дардың жұмысымен танысты. Сондай-ақ, Қызы­лор­­­дада Парламент Сенатының әлеуметтік-мәдени даму және ғылым комитетінің көшпелі мәжілісі өтті. Мәжіліске облыс әкімі Қырымбек Көшербаев, Сенат де­путаттары, бірқатар министрлік өкілдері, сала же­тек­шілері мен аудан, қала басшылары қатысты. Оты­­рыс денсаулық сақтау және білім беру саласының ме­млекеттік-жекеменшік әріптестікке қатысты мәсе­ле­леріне арналды.

Денсаулық сақтау және білім беру саласының мемлекеттік-жекеменшік әріптестікке қатысты мәсе­лелеріне арналған отырыста облыс әкімі Қырымбек Көшербаев өңірдің әлеуметтік-экономикалық дамуы мен мемлекеттік-жекеменшік әріптестікті дамыту бо­йынша жүргізіліп жатқан жұмыстар туралы айтты.

Қызылорда облысы мемлекеттік-жекеменшік ә­ріп­­­­­­­­­­­­­­­­­­­­­­­­­­­­­­­тес­тікті дамыту бойынша еліміздегі бес үздік ай­мақ­­­­­­­­­­­тың бірі болып табылады. Жүзеге асырылатын жо­­­­­­­­­­ба­­­­лар экономиканың барлық саласын қамтиды. Бұл­ ретте аймақта 75 жобаның қолға алынғанын ай­та­­­­­­­­­ кеткен жөн.

Шарада ҚР Денсаулық сақтау вице-министрі Олжас Әбішев, ҚР Білім және ғылым министрлігінің Балалардың құқықтарын қорғау комитетінің төрағасы Нұрбек Оршубеков, облыс әкімінің орынбасары Евгений Ким, «Қазақстандық мемлекеттік-жекеменшік әріптестік орталығы» АҚ басқарма төрағасының орынбасары Талғат Матаев, №2 «Нұр-Шұғыла» жекеменшік балабақшасының бастығы БибіайшаТөлегенова сөз сөйледі.

ҚР Парламенті Сенатының Әлеуметтік-мәдени даму және ғылым жөніндегі комитетінің төрайымы Бірғаным Әйтімова кездесуді қорытындылап, Қызыл­орда облысындағы тәжірибені үздік үлгі ретінде республика бойынша енгізу керек деген пікірін білдірді.