Жеңімпаздар қатарынан көрінді

Осы жылдың 18шілдесінде «Атамекен»ҰКПмен«МеніңАтамекенім» қоғамдық бірлестігі фото және видео байқау жариялаған болатын.
Бұл конкурс туған өлкесін мақтан тұтатындар және суретке түсіп, видео таспалауды сүйетіндерге арналды.

Шараны ұйымдастырушылар байқауға қатысу үшін керемет фотограф болу міндетті емес екендігін айта отырып, ұшқыр қиял мен ауылда бар айрықша нысан туралы пікірге мән берді.

18 тамызға дейін жалғасқан байқауға республика көлемінде 1000-нан астам адам 2000-нан астам өнімдерін ұсынды. Қатысушылардың жұмысын кәсіби сарапшылар бағалап, күні кеше жеңімпаздарды анықтады.

Байқауға қатысқан жерлесіміз, облыс әкімі баспасөз қызметінің фотографы Есжанов Бағдат Кемелұлы марапатталған 12 азаматтың ішінде үздік алтылыққа еніп, жеңімпаз атанды.

Айта кету керек, 14 облыс, 3 қаланың ішінен азаматтары марапатталған тек 9 өңір ғана. Сондықтан да бұл жеңіс біз үшін ерекше жетістік.

Қызылорда облысы кәсіпкерлер палатасының директоры Ғалымбек Жақсылықов Бағдат Кемелұлын жеңісімен құттықтап, байқау ұйымдастырушыларының сыйлығын табыс етті.