Алдағы күндері ауа райы салқындайды – Қазгидромет

"Қазгидромет" РМК синоптиктері 2-4 қазанға арналған ауа райы болжамын ұсынды, деп хабарлайды Вaq.kz ақпарат агенттігі.

Демалыс күндері климаттық нормадан 4…7°С жоғары ауа температурасымен аномальді жылы ауа райын ұстап тұрған антициклон Батыс Сібірдің оңтүстігіне жылжыды.
Aлдағы екі тәулікте Қазақстан арқылы суық атмосфералық фронттар жылжитын болады, онымен 2 қазанда республиканың солтүстік және орталық облыстарында, 2-3 қазанда оңтүстік-шығыс және шығысының кей жерінде жаңбыр жауады.
Фронттардың артынан республиканың батыс облыстарына қатқақ шақырған кезекті антициклон жылжи бастады.Кейінгі тәуліктерде антициклон шығысқа жылжитын болады, ол Қазақстанның солтүстігінде, орталығында және шығысында ауа температурасының 0…5° дейін төмендеуіне себеп болады.

Baq.kz