Мемлекет басшысы жыл сайынғы халыққа жолдауында өңірлерде өзі келетін уақытта қалай дайындалатынын айтты. Нұрсұлтан Назарбаев өзі жүретін көшелердің ғана жөнделініп қоятынынан хабардар екенін жеткізді деп хабарлайды NUR.KZ.

"Өңірлерде мен келерде қалай дайындалатынын да білемін. Мысалы, Алматы әкімі Бауыржан Байбек пен Астананың бұрынғы әкімі Әсет Исекешев аулаларды жөндеп, қалыпқа келтірді. Ал енді облыстардағы жағдайды да білемін. Мен жүретін көшелерді жылтыратып қояды.Мен ауылдан шыққанмын, ондағы жағдайдың қандай екенін білемін. Ауданда қызмет еттім, Теміртау қаласын басқардым. Сондықтан әр қалада, өңірде не болып жатқанын білемін", - деді президент.