Алматыда Еуразиялық үкіметаралық кеңес оты­рысы өтті, – деп хабарлайды primeminister.kz.

Отырысқа Қазақстан Премьер-Министрі Б.Сағынтаев, Ресей Премьер-Министрі Д.Медведев, Беларусь Премьер-Министрі С.Румас, Қырғызстан Премьер-Министрі М.Абылгазиев, Арменияның вице-Премьер-Министрі М.Григорян және Еуразиялық экономикалық комиссия Алқасының төрағасы Т.Саркисян қатысты.

Айта кету керек, биыл Одақ туралы келісімшартқа қол қойған уақыттан бері 5 жыл және еура­зиялық интеграция идеясына 25 жыл толады.

Отырыс дәстүрлі түрде шағын және кеңейтілген форматтарда өт­кізілді. Күн тәртібінде сауда-эко­­номикалық ынтымақтастық жә­не Одаққа мүше мемлекеттер арасында өзара сауда-сат­­­­­­тық­ты кеңейту, сондай-ақ, эко­­но­миканың жекелеген салала­­­­рында ин­теграциялық әлеуетті да­мы­туға қатысты жалпы 16 мә­селе қа­рал­ды.

Шағын құрамда экономикалық өзара іс-қимылдың өзекті мәсе­лелері бойынша пікір алмастырылды. Атап айтқанда, Одаққа мүше мемлекеттер арасында тауар айналымын одан әрі ұлғайту, соның ішінде сауда-саттық, энегетика, ауыл шаруашылығы, көлік және логистика, салық және кеден саясаты салаларындағы заң­намалық нормаларды біре­гейлендіру арқылы қол жеткізу құ­рал­дары талқыланды. Бұдан өзге, білім беру саласында бірқатар құжатты өзара мойындау жүйесін жетілдіру келешегі қаралды. Сонымен қатар, ЕАЭО цифрлық күн тәртібі аясында жобаларды іске асыру тетіктеріне көңіл бөлінді.

Кеңейтілген құрамда Үкімет­аралық кеңес мүшелері 2018 жылы Еуразиялық экономикалық одақтың мүше мемлекеттері ара­сында сауда-саттықты дамыту қорытындыларын шығарып, Одақ елдеріндегі макроэкономикалық жағдайды қарастырып, Еура­зия­лық экономикалық ко­миссия Алқа­сының тұрақты экономикалық дамуды одан әрі қамтамасыз ету жөніндегі ұсыныстарын тыңдады.

Қазақстан Премьер-Министрі Бақытжан Сағынтаев сөз сөй­леу барысында 2018 жылы ортақ күш-жігермен активтер «қор­жыны» жинақталғанын, оны алдағы уақытта да дамыту қа­жет екенін айтты. ЕАЭО Цифр­лық күн тәртібін іске асыру бел­сенді түрде пысықталды. Цифр­лық бастамаларды басқару офи­сіне ондаған перспективалы ұсы­ныстар келіп түсті, олардың бір­­қатары бүгінде қаралып жатыр. Тұ­рақты негізде кедергілердің келісілген тізімі өзектендіріліп жатыр, өткен жылдың қоры­тындысы бойынша 17 кедергі жой­ылды. Бұдан өзге, Жоғары ке­ңестің өткен отырысында (2018 жылғы 6 желтоқсанда) Мем­­­­­лекеттер басшылары газ, мұнай және мұнай өнімдерінің ортақ нарықтарын қалыптастыру бағ­­дар­ламаларын бекітті, сондай-ақ, ЕАЭО аясында интеграциялық үде­рістерді одан әрі дамыту туралы Декларация қабылданды. Ортақ нарық қалыптастыру тұр­ғысынан 9 жыл бойы соған қа­­тыс­­­ты жұмыстар жүргізілген ал­­­коголь өнімдерінің қауіпсіздігі ту­­­ралы бірыңғай регламент әзір­лен­­­ді. Алкоголь мен те­мекіге са­лы­­­натын акциздер сала­сындағы са­лық саясатының қа­ғидалары ту­ралы келісімдер жо­­баларының жұ­­­­мыстары аяқ­та­лып қалды.

Сонымен бірге, алдағы екі жылға кедергілерді жоюдың жаңа Жол картасын әзірлеу қажеттілігі айтылды. Сингапурмен және Сербиямен еркін сауда аймағын қалыптастырудың келіссөздер про­­­­­цесін одан әрі жүргізу, сондай-ақ, Израильмен және Мысырмен сауда келіссөздерін жандандыру жұмыстарын жүргізу қажет. Аталған нарықтарға қолайлы ашық жағдайлар жасау ЕАЭО елдерінің экспорттық әлеуетін іске асыруға елеулі түрде ықпал ететін болады.

Қазақстан тарапы ЕАЭО ел­дерінің азаматтарын зей­нета­қы­мен қамтамасыз ету тура­лы ке­лісімді әзірлеу аясында әлеу­меттік мәселелердің басым­дықты екенін атап өтті. Бұл мәсе­лелерді Жоғарғы кеңес оты­рысында ҚР Президенті Н.Назарбаев көтерген болатын.

Отырыс қорытындысы бой­ынша кедендік әкелім бажын бөлу нормативтері, қазақстандық көмір экспорттаушылардың Ре­сей Федерациясының теңіз порт­­тарының қызметтеріне қол­же­тімділігі мәселелері бойынша бір­қатар құжаттар қабыл­данды. Сон­дай-ақ, Еуразиялық эко­но­­­­­­микалық одақтың цифрлық күн тәртібіндегі жобаларды іске асы­ру тетіктері бекітілді және Ал­ко­голь өнімдерін реттеу туралы келісім жобасы мақұлданды. Бұ­дан өзге, ЕАЭО-ға мүше ел­дер­­дегі өзара сауда жағдайы, ма­кроэкономикалық жағдай жә­не тұрақты экономикалық да­муды қамтамасыз ету бой­ынша ұсыныстар туралы және Одаққа қатысушы елдер арасында жүй­­­­елі консультациялар өткізу жай­­­лы өкімдер қабылданды.

Күн тәртібіндегі негізгі мәселелердің бірі — Одаққа мүше мемлекеттердің кемелері үшін тасымалдау рәсімдерін жеңіл­детуге және ЕАЭО елдерінің ішкі су жолдарында кемелердің жүзуі кезінде туындайтын қаты­настарды реттеудің бірыңғай құқықтық базасын құруға ар­налған кеме қатынасы туралы келісімге қол қою болды. Өз ке­зегінде, Қазақстан үшін келі­сім­ге қол қою стратегиялық ма­ңызға ие және отандық флотқа қысқа мерзім ішінде Ресейдің ішкі су жол­дарымен Қара және Балтық теңізіне өтуге мүмкіндік береді.

Еуразиялық үкіметаралық кеңестің келесі отырысы биылғы сәуір айының соңында – мамыр айының басында Ереванда (Армения) өтеді.