Қызылордада күріштің рекордтық көлемі жиналды

Тәуелсіздік жылдары алғаш рет 2017 жылы Қызылорда облысында 500 мың тоннадан астам күріштің рекордтық көлемі жиналды.
Бұл туралы облыс әкімі Қырымбек Көшербаев халық алдындағы есеп беру кездесуінде айтып өтті, деп хабарлайды Kyzylorda-news.kz ақпараттық агенттігі.

Сондай-ақ, 2018 жылы да су тапшылығы мен көктемнің кеш түскеніне қарамастан, 500 мың тоннаға жуық күріш жиналды. Мұндай жалпы кірістілік соңғы жылдардағы сорттардың өнімділігінің 1,5 есе артуы әсерінен болып отыр.
Сонымен қатар, Моңғолия, Түркия және Ауғанстан нарықтары игерілуде. Дәстүрлі күріштен басқа осы елге одан әрі экспорттау үшін ирандық күріш сорттарын өндіру басталды.


https://kyzylorda-news.kz