ЖАЛАҒАШТАҒЫ ТІГІН ЦЕХЫНДА БРОНЬДЫ КЕУДЕШЕЛЕР ТІГІЛУДЕ
Облыс әкімі Қ.Көшербаев ауданға жұмыс сапары соңында аграрлы-индустриалдық аймақта орналасқан «Өркен Әлем» ЖШС-ның арнайы киім тігу цехына табан тіреді.
Айта кету керек, бұл кәсіпорын 2017 жылдан бері жұмыс жасайды. 2017 жылы арнайы тапсырыспен 810 дана броньды кеудеше және 240 дана арнайы киімдер тігілген. 2018 жылы 1,4 млрд теңгенің тапсырысы орындалған. Қазіргі таңда 5630 дана броньды кеудеше мен 2125 дана каскаға арналған бүркемеге тапсырыс түскен. Кеудешенің бір данасының құны 250 мың теңге тұрады. Кәсіпорында 24 адам жұмыс жасайды. Қажетті құрал-жабдықтармен қамтылған. Цехтың бір жылда 7000 данаған дейін броньды кеудеше тігуге мүмкіндігі бар.
