Мұрат Мұтырғанов ұлты орыс әйелі туралы: Жұбайымның қазақылығы менен басым
Цирк артисі Мұрат Мұтырғанов 2014 жылы орыс ұлтынан қыз алып, Әсел есімді арумен шаңырақ көтерген еді. Бүгінде олар 3 жасар ұлы Майклды тәрбиелеп отыр.
![ЦиÑк аÑÑиÑÑ ÐÒ±ÑÐ°Ñ ÐÒ±ÑÑÑÒанов екÑнÑÑ Ð±Ð°Ð»Ð°ÑÑна ЧаÑли ЧаплиннÑÒ£ еÑÑмÑн беÑгÑÑÑ ÐºÐµÐ»ÐµÑÑнÑн айÑÑÑ](http://stan.kz/wp-content/uploads/2018/08/33630555_1750466738394740_7861933469209722880_n-620x413.jpg)
Бұл туралы Sputnik Қазақстанға сілтеме жасап Stan.kz жазады.
Мұтырғановтың сөзінше, әйелі орыс ұлтынан болғанымен, қазақылығы басым көрінеді.
«Мен – қазақпын. Ал әйелім Әсель – орыс ұлтынан. Алайда оның қазақылығы менен басым сияқты. Ол салт-дәстүрді біледі, қазақ тілін де менен жақсы меңгерген. Сонымен қатар етті дәмді етіп әзірлейді», – дейді Мұрат Мұтырғанов.
Артистің сөзінше, ол ұлының есімін әйгілі әнші Майкл Джексонның құрметіне қойған.
«Ұлым 3 жаста. Оның есімін Майкл Джексонның құрметіне қойдым. Мен оның фанатымын. Ұлымның әкем салып берген жолдан таймағанын, циркті жақсы көріп, артист болғанын қалаймын», – дейді ол.
Өз сөзінде Мұтырғанов екінші перзенті дүниеге келгенде, оған да танымал тұлғаның есімін бергісі келетінін жасырмады.
«Екінші балам ұл болса, есімін Чарли Чаплиннің құрметіне қойғым келеді», – дейді Мұрат Мұтырғанов.
Сондай-ақ, Мұтырғанов балалармен көп уақыт өткізуге кеңес берді.
«
Әр ата-ананың өз мақсаты бар. Бірі баласының музыкант болғанын, бірі дәрігер болғанын қалады. Ғаламшардағы барлық бала – дарынды. Бастысы – оған қысым жасамай, дарынын анықтап, байқай алу. Баламен көп уақыт өткізіп, сөйлесу керек», – дейді артист.
Stan.kz