Жазира Байырбекова өзі сияқты бойжеткенді ғана келін еткісі келетінін мойындады
Жанболат пен Жазираның жалғыз ұлы Қазбек бүгінде ер жетіп қалған. Тіпті үйлену тойының да аулы алыс емес тәрізді. Себебі Жазираның өзі ұлына ерте шаңырақ көтергені абзал екенін жиі айтатын көрінеді. Сондай-ақ, біраз уақыт бұрын әнші желідегі парақшасында болашақ келінінен алған сыйлығын да көрсеткен еді.
Ендігі Жазира Байырбекова келінінің қандай болғанын қалайтынын айтты, деп хабарлайды Еуразия бірінші арнасына сілтеме жасап Stan.kz.
«Келінім мен сияқты болуы керек», – дейді әнші.
Сондай-ақ, жүргізушінің сұрақтарына жауап берген Жазира өзінің қызғаншақ емес екенін айтты. Десе де қол ұстасқан жарынан көп алыстамайтын тәрізді. «Күніне қанша уақыт Жанболат мырзадан алшақ жүресіз?» – деген сұраққа әншінің берген жауабы мынадай.
«Әрі кетсе 5-10 минут», – деп мойындады Байырбекова.
Сонымен қатар Жазира Байырбекова көбіне өзін «Дюймовочка», «Маша мен аю» деп атайтынын айтып күлдірді.
Естеріңізге сала кетсек, бұған дейін Димаш Құдайбергеннің ата-анасы да келіндерінің қандай болғанын қалайтынын айтқан еді.
