Жезтаңдай әнші Алтынай Жорабаева халықты тағы да бір талантымен тәнті етті. Ол халық әні “Гауһартасты” опера жанрында, жанды дауыста орындап шықты. Көкшетау өңіріне қонаққа барған әнші орман аралап, саңырауқұлақ теріп, табиғаттан шабыт алған көрінеді.

Бұл туралы Stan.kz ақпараттық агенттігі хабарлайды.
“Мен негізі классика әндерін жақсы көремін, бірақ дәріс алып оқымағанмын. Жәй әуесқой ретінде айтып жатырмын. Кемшіліктеріме кешірім сұраймын”, – деп бөлісті Жорабаева Instagram-дағы парақшасында.
Бұдан бөлек, өнер иесі тағы бір әнді орыс тілінде шырқап, көпшіліктің қолдауына ие болды.
Желі қолданушылары әншінің бірегей дауыс иесі екенін атап өтіп, жанды дауыстағы видеоларды жиі салып тұруын өтінді.

Айтпақшы, олардың арасында Алтынайдың бояусыз түріне сын айтқандар да табылды.
“Көзінің үстін тіктіргеннен кейін жаман болып қалыпты. Ренжімеңіз. Көзіміз әбден бояуға үйреніп қалғанға ма, мына түріңіз науқас адамға ұқсайды”, – дейді оқырмандардың бірі.

Stan.kz