“Эшкере” деп тыңдарманға “хайп” сыйлауға асыққан Элизат Берікова тұрмысқа шықты. КешYou тобының экс-әншісі күні кеше ұясынан ұзатылды, деп хабарлайды Stan.kz ақпараттық агенттігі.

Элизат осыдан бірнеше жыл бұрын продюсер Баян Алагөзовамен келісім-шартқа отырған. Алғашқыда Сара Аменгелдімен бірге “Лашын” дуэтінде ән салған Элизат кейіннен КешYou тобына ауысқан еді. Тек келісім-шартының мерзімі бітпестен, продюсерлік орталықпен қош айтысты. Оның басты себебі – Элизаттың тұрмысқа шығуы.



Топтан кеткен соң, Берікова сахнадан қол үзді. Ал күні кеше арудың ұзатылғаны белгілі болды. Берікованың ұзатуына кезінде топта бірге ән салған Сара Амангелді мен Балжан Бидаш келді. Сондай-ақ, әнші Дана Кентай әріптесінің қуанышына ортақтасты.



“Жаным, бақытты бол. Ең сұлу қалыңдық, Элизат Берікова. Біздің достығымызға 7 жыл. Алла жар болсын, алтыным! Жақсы көремін”, – деп ақ тілегін білдірді Сара Амангелді желідегі парақшасы арқылы.



Stan.kz