Ертең финал: Данэлия Төлешова қазақстандықтардан өзін қолдауды сұрады (видео)

Данэлия Төлешова қазақстандықтарға үндеу жолдады. Ол “Балалар Евровидениесі” байқауында қатысушыларға дауыс беру басталып кеткенін хабарлап, өзін қолдауды өтінді, деп хабарлайды Stan.kz ақпараттық агенттігі.

“Достар, дауыс беру басталды. vote.junioreurovision.tv сайтына кіріп дауыс беріңіздер. Мен 3 нөмірдемін”, – дейді Данэлия.
Жас таланттың айтуынша, кемі үш қатысушыға дауыс беру керек.
Ереже бойынша, дауыс беруші 20 қатысушының өнерін қысқаша роликте тамашалап барып, дауыс беруі тиіс.
Естеріңізге сала кетейік, биыл Қазақстан алғаш рет балалар арасында өтетін “Евровидение” байқауына қатысуда. Еліміздің намысын 11 жасар алматылық Данэлия Төлешова қорғайды. Байқау финалы ертең, 25 қараша күні өтеді. Тікелей эфирді қазақстандықтар “Хабар-24” арнасынан кешкі сағат 21.00-де тамашалай алады.

Stan.kz