«Қиырдағы қазақтар» фильмiнiң кезектi сериясы жарыққа шығады
Портал жетекшiсi «Қиырдағы қазақтар» фильмi туралы баяндап бердi. Оның айтуынша, «Қиырдағы қазақтар» - шетелдегi қазақтардың күнделiктi тұрмысын баяндайтын 8 сериялық деректi фильм. Жақында осы фильмнiң «Алыс та жақын Астрахань» атты жаңа сериясы шыққан болатын, ендi Моңғолиядағы қазақтар туралы серия жарыққа шығады. Туындының тұсаукесерi 13 ақпанда «Mega Silk Way» ойын-сауық орталығының Chaplin кинотеатрында кешкi сағат 19.00-де өтедi.
«Одан кейiн көршi елдер - Өзбекстан мен Тәжiкстанда түсiрiлiм жұмыстарын жүргiздiк. Қазiр фильмдер дайын. Оқырмандар назарына ұсынылып отыр. Бiз көптеген шақырым жол жүрiп, алыстағы ағайындардың тұрмыс-тiршiлiгiмен таныстық. Оларға бiздiң елдегi жаңалықтарды жеткiзiп, алыстағы ағайынмен екi арадағы дәнекер болуға тырыстық. Алдағы уақытта компания басшылығы мен министрлiк тарапынан бұл жоба жалғасады деп күтiлуде», - дедi Олжас Беркiнбаев.
