"Ол бұдан да үлкен марапатқа лайық": Мәдениет министрлігі Димашты мемлекеттік сыйлыққа ұсынбақ

Димаш Құдайберген Қазақстанның мемлекеттік сыйлығын алуы мүмкін, деп хабарлайды Stan.kz тілшісі.

Қазақстанның мәдениет және спорт министрлігі Димаш Құдайбергенді мемлекеттік сыйлыққа ұсынатын болды. Бұл жайлы мәдениет министрлігінің вице-министрі Ақтоты Райымқұлова айтып берді.

"Заң бойынша мемлекеттік сыйлықтар жылына бір рет "Тәуелсіздік күніне" орай табысталады. Димашты мемлекеттік сыйлыққа ұсыну жоспарымызда бар. Ол бұдан да үлкен марапатқа лайық. Бұл біздің жоспарымыз ғана. Ал, соңғы шешімді президент әкімшілігі мен өзге де мемлекеттік ұйымдар қабылдайды", - дейді Ақтоты Райымқұлова.

Әлемді мойындатқан әншінің мемлекеттік сыйлық алу мәселесі әлі нақтыланбаған. Бұл жайлы мәдениет және спорт министрлігі алдағы уақытта ақпарат беретін болады.

 Stan.kz