Мұрат Құсайынов дінге көзқарасын айтты

Белгілі өнер иесі діни ұстанымымен бөлісіп, өз ойын білдірді. Басы талай дауға қалған "Дос-Мұқасан" тобының солисі діншіл емес екенін, намаз оқымайтынын жасырмай айтты. Дегенмен, ол жаратушыға сенетін көрінеді. "Дін ол бөлек. Дінге баса беруге болмайды. Қазақта ислам дініне дейін тәңіршілдік болған. Мен атеиспін деп те айта алмаймын, дінге берілгенмін деп те айта алмаймын. Намаз оқымаймын, ортасындағы адаммын. Бірақ, жаратушы құдірет бар екеніне сенемін", - дейді Мұрат Құсайынов.
Жаратушының, құдіреті шексіз күштің бар екенін ғалымдар да дәлелдеген сыңайлы. Осы тұрғыдан Мұрат Құсайынов пікірін ортаға салып, ғылыми түрде сөйледі.
"Философия мен астрономияда күннің, айдың өзі бекерден бекер болған нәрсе емес. Ғалымдардың өзі құдіретті күш бар екенін айтып жатыр", - деп ерекше ілімімен бөлісті.


https://stan.kz