Жаратқан Алланың құдіреті шексіз ғой, шіркін! Өз таным-түсінігімізде мың ойласақ та ағаш сүт береді дегенге сене алмаймыз. Себебі, мұндайды бұрын-соңды көрмегенбіз. Алайда, Бразилияда сүт беретін ағаш бар екен. Бұл ағаш Амазонка өзенінің жағасында өседі. Жергілікті халық оны «Сорвейра» деп атайды.

Сорвейра ағашының бір же­рін кертсе, одан сүт тәрізді ақ шырын ағады екен. Өзі сүттен сәл қышқылдау. Сондықтан, оны алғаш тағам ретінде пайдалана қоймаған. Жергілікті халықтың айтуынша, ақ шырынға аздап су қосып пісірсе, сүттен дәмі айнымай қалады екен. Бір кереметі бұл ағашты бір сауғанда 2-4 литрге дейін сүт алуға болады. Таңғажайып ағашты зерттеген ғалымдар оның сүтінің сиыр сүтінен ешбір кем еместігін анықтаған.