Олар пәтер жалдап тұрады. Наурыз көжеге арнайы шақырам деп ойлаған едім. Құдай амандығын берсінші!
Хабарласып жүреміз жиі. Пәтер иесі осы айда тек жарты ақысын алатынын айтыпты. Айдаладағы мен қатты қуандым осыны естігенде. Алладан қайтсын! Карантин де бітсе екен тезірек...
***
Оның ай сайын жалға беріп қойған шағын ғимараты бар. Жиһаз сататын кішкентай дүкенге айналдырған жалға алушылар. Ай сайын түсіп тұратын тиынына тәубе дейтін. Ашкөз емес. Ең кемі 400 мың алатындар бар, оның қасында бұл кісінікі тиын-тебен. 200 мың теңгеге көтергені былтыр шығар... Мына жағдайға байланысты аренданы төлетуден босатыпты. Таңғалмадым. Өйткені ол адамның тым қанағатшыл екенін білем. Айналамда осындай адамдар көп және дүниенің шырқын кетірмейтін де осындай жандар.
Осындай сәтте түсіністік танытатындар - өте БАЙ адамдар! Өйткені пейілі түзу, ниеті пәк.
Айгүл Болатханқызының әлеуметтік желідегі жазбасы
Abai.kz