Бүгін Мақпалкөл ауылдық округінде "Жалағаш аудандық жастар ресурстық орталығы" КММ-сі және Жалағаш ауданы жастарының "Темірқазық" қоғамдық бірлестігінің ұйымдастыруымен мемлекеттік бағдарламалар мен жобаларды, "Жастар корпусын дамыту" #ZhasProject жобасын насихаттау мақсатында Мырзабай ахун, Мәдениет, Жаңаталап, Аққыр, Мақпалкөл ауылдық округтерінің жастарымен кездесу және жұмыссыз жастар арасында спорттық шаралар өтті. Кездесуге жұмысшы, жұмыссыз, кәсіпкер жастар қатысты. Жастардың басым бөлігі ZhasProject жобасына қызығушылық танытып, өз жобаларын ұсынатындарын айтты. Кездесуден соң, ауыл жастарының арасында арқан тарту, гір тасын көтеруден спорттық сайыс өткізілді. Сайыс жеңімпаздары ауыл жастарының ұйымдастыруымен өткізілген концерттік бағдарламада арнайы алғыс хаттармен және сыйлықтармен марапатталды.