Қытайдың Ухань қаласындағы індеттің жаппай таралуына коронавирустың жаңа түрі себеп болған, деп хабарлайды Stan.kz ақпарат агенттігі. 

Бұл шешімге ауруды зерттеумен айнлысып жүрген ғалымдар келді. 
"Тәжірибелер нәтижесінде коронавирустың жаңа түрі анықталды. Бұрын кездеспеген вирустың геномы нуклеин қышқылы тәсілі арқылы жасалған зерттеулердің көмегімен сарапталды. Вирус тіркелген тәжірибелердің жалпы саны 15-тен асады", - дейді ғалымдар. 
Дегенмен мамандар зерттеулердің оң қорытындысына қарамастан ақпараттың әлі де аз екендігін алға тартты. Айтуларынша, бұл үшін емханалардағы науқастарды бақылауға алып, эпидемиологиялық тексерістер жүргізу қажет. 
Ухань қаласындағы пневмония індеті 5 қаңтардан бастап таралды. Бүл күннің өзінде 59 жағдай тіркеліпті. Ауруға шалдыққан 7 науқастын жағдайы күрт нашарлап кеткен. Дертті жұқтырған адамдармен қарым-қатынаста болған 163 адам дәрігерлердің тіркеуінде екен. Қазіргі таңда вирустың қандай жағдайда таралатындығы анықталмапты. 
 

stan.kz