Қытай ғалымдары жасушалық деңгейде өлімге алып келетін дерттің алдын алатын дәрі ойлап тапқанын айтты. Мамандар бұл коронавирусты тежейтінін айтты деп хабарлайды KAZ.NUR.KZ.

Бұл әдісті Қытай Халық Республикасы Ғылым академиясы Ухан вирусология институтының мамандары олардың ойлап тапқанын жария етті.
Аспан асты елінде қауіпті вирус тарай бастағаннан кейін, мамандар дерттің қоздырғышын зерттеуге кірісті. Сондай-ақ, олар коронавирустың қайдан пайда болатынын анықтауға тырысты деп жазады РИА Новости.

Вакцинаны табу үшін мамандар алдымен әлемдік ғалымдар әзірлеген вирусқа қарсы дәрі-дәрмектерді тексеріп шыққан. Қазіргі уақытта анықталған әдіс тышқандар мен приматтарда сыналатын болады.

Естеріңізге сала кетейік, еліміздің бас санитар дәрігері Жандарбек Бекшин ОКҚ брифингінде коронавирустың тарауына байланысты әлемде қалыптасқан жағдай жайлы баяндады.

Ол вирустың көзі жануарлар- жарғанаттар, сүтқоректілер, оның ішінде қояндар, құстар, сондай-ақ, Ухань базарындағы аю табаны, аю және борсық майы екенін айтты.
Ал 26 қаңтарда мемлекет басшысы Қасым-Жомарт Тоқаев Қытайдағы коронавирустың елімізде таралуының алдын алуды тапсырды.
Осыған байланысты Қазақстанның премьер-министрі Асқар Мамин жиын өткізді.
Кейінірек мәжіліс депутаты Қытай мен Қазақстан арасындағы барлық шекараның жабылғанын мәлімдеді.
Cоңғы мәліметтер бойынша, аспан асты елінде коронавирустан қаза тапқандардың саны 162 адамға жетті.

kaz.nur.kz