Иранда коронавирустан екі адам көз жұмды
Олар Қытайдан келгендермен қатынаста болмаған. Денсаулық сақтау министрлігі коронавирустың жұғу жолын анықтауда.
19 ақпанда Иран үкіметі елде коронавирус инфекциясын жұқтырудың екі дерегін растады, деп жазады zakon.kz.
Кейін екі науқастың да көз жұмғаны белгілі болды.
Билік жаңа коронавирустың 2019-nCov түрін жұқтырудан қайтыс болғандардың бұған дейін Қытай азаматтарымен де, Қытайдан келген тұлғалармен де қатынаста болмағанын мәлімдеді.
Бұл туралы Денсаулық сақтау министрлігінің инфекциялық аурулар жөніндегі комитеті мүшесі Масуд Мардани айтты.
- Денсаулық сақтау министрлігінің инфекциялық аурулар жөніндегі комитеті қазір қайтыс болғандардың коронавирусты қандай жолмен жұқтырғанын анықтауда, бірақ вирус көрші елден келген саяхаттаушылардың бірі арқылы жұққан болуы мүмкін. Алайда вирустың қай жерде жұққанын анықтай алмаймыз, - деді Мардани.
ernur.kz
