Нигериялық «Лестер» футбол клубының шабуылшысы Ахмед Мұса Нигерияның 40 тұрғынын Кано қаласының түрмесінен босатты.

Бұл туралы sport-express.ru-ға сілтеп, Stan.kz ақпараттық агенттігі хабарлайды.
Шабуылшы Кано қаласындағы бірнеше түрмелерді аралаған кезде, онда өз қарыздарын өтей алмай, абақтыда жатқан тұтқындар туралы білген.



Қарыздарын өтеуге қаражат таба алмай, соның салдарынан түрмеге қамалған азаматтардың жағдайын естіген футболшы олардың қарыздарын өтеп, бостандыққа шығарған.
Ол қайырымдылық шарасын мұсылмандардың қасиетті Рамазан айының құрметіне орай жасаған екен.
Сондай-ақ, спортшының жеке парақшасында оның құжаттарға қол қойып отырған суреттері жариянды. Бұны көрген жанкүйерлер қара нәсілді азаматтың кеңпейілділігіне таңдай қақты. Сонымен қатар, желі қолданушылар Мұсаның Ресейде өтетін әлем чемпионатына және басқа да жақсылықтарда сәттілік тілеп, ол үшін дұға етеміз, деп жазуда.



Айта кетейік, Мұса Нигерияда қайырымдылық жұмыстарын бұрыннан жүргізіп жүрген спортшы ретінде танылған. Әдетте, ол елдің түрлі қалаларындағы жағдайы нашар отбасыларға азық-түлік пен ақшалай көмек беріп тұрады. Жақында ол кедейлерге өзінің суреті бейнеленген үш мыңға жуық қап күріш сыйлаған.



http://stan.kz