Әлемнің ең бай мыстандары қалай өмір сүреді?

Ерекше қасиеттерге ие адамдардың өмірі кімге болсын әрқашанда қызық дүние болып табылады. Өмірін үнемі ел алдына шығармауға тырысатын тылсым күш иелерінің тұрмыс-тіршілігі қандай? Бұл сұрақтың жауабын танымал словакиялық фотограф біліп көруге тырысты деп жазадыbigpicture.ru сайтына сілтеме жасаған NUR.KZ.

Аса танымал мыстандардың шынайы өмірі мен жағдайын біліп қайтпақ болмақ бойжеткен Словакиядан Румынияға арнайы барған. Айтуынша, әлемнің ең ауқатты көріпкелдері мен балгерлері дәл сол мемлекетте тұрады.



Олармен кездесу үшін біраз тер төккен фотографтың мәліметінше, ең бай саналатын мыстандар расымен де балқып-шалқып тұратын көрінеді.



"Үйлерінің кіре берісінен бастап алтынмен көмкерілген. Бірнеше балгердің үйіне барып көрдім. Барлығы да алтынға құмар екенін байқадым. Олар бастапқыда суретке түспейтіндерін айтып, артынан қомақты қаржыға ғана келісетінін айтты", - дейді фотограф қыз.





Алайда, қымбат дүниелерден бөлек көріпкелдердің үйінде өз рәсімдеріне қажетті заттар да жетіп артылған. Түрлі жануарлардың бастарынан бастап небір шөптерге дейінгінің бәрі бар.



Бірнеше мыстанмен қатар кездескен аруға олардың болашаққа жорамалы бір жерден шықпай, түрлі нұсқаулық берген.



"Олар шынымен де тым бай тұрады. Оның үстіне оларға өзінің ауқаттылығын барынша паш ету аса маңызды секілді. Кейбірі тіпті баспалдақтарын да алтынмен жалатып қойған", - деп айтты таңғалған бойжеткен.















NUR.KZ