Ер адам түсінде көрген сандардың арқасында лотереядан 51 миллион теңге ұтып алды
39 жастағы Мәскеу қаласының тұрғыны Илья Матвеев түсінде көрген сандардың арқасында лотереядан 51 млн теңге (9,237,768 рубль) ұтып алды, деп хабарлайды Stan.kz ақпараттық агенттігі РИА Новости-ға сілтеме жасап.
«Ер адам лотереядан ақша ұтып алатынын түсінде көрген. Ол өзіне жеңіс сыйлаған 8 және 33 сандарын есіне сақтап қалған. Дәл осы сандар оған 9260-шы мемлекеттік тиражында жеңіс сыйлады»,- дейді агенттіктегілер.
Ұтыскердің сөзіне сүйенсек, ол жыл бойы түсінде көрген сандарды түрлі лотереяларда қолдана отырып, туыстарының туған күндерін де қосқан.
«Кейде азғантай сома болсын ұтып алатынмын. Бірақ соңғы кезде жолым болмай кетті. Содан соңғы рет түсімде көрген нөмірлерді билетте белгілеп, олар туралы ұмытуды шештім. Мен тіпті жүлде ұтып аламын деп ойлаған жоқпын», – деп мойындады ол.
Илья кәсіпорындарға арналған тоңазытқыш жабдықтарын сату саласында жұмыс істейді. Жүлделі болған жігіт әйелімен бірге ұтысты қайда жұмсайтындарын да ойластырып қойды. Ең алдымен, олар жаңа автокөлік сатып алып, пәтерлеріне жөндеу жұмыстарын жүргізбекші. Сондай-ақ, бүкіл отбасы болып, кішкентай қыздарын ертіп Ресей аумағында саяхаттауды жоспарлап отыр.
Stan.kz
