Қазақстандық рэпер Джах Калиб Мәскеуде алғаш рет “Золотой граммофон” сыйлығын алды. Бұл туралы “Русское радио” хабарлады, деп жазады Stan.kz.

Рэпер “Медина” әні үшін жүлдеге ие болды. Калиб аталған жүлдесі үшін қуанышты екенін жеткізіп, өзін қолдаған тыңдарманына алғыс білдірді.
“Бақытымды сөзбен айтып жеткізе алмаймын. Бізді қолдап отырған барша халыққа, командама алғыс айтып, бар жақсылықты тілегім келеді”, – деп тілек білдірді рэпер.
Айта кетейік, сыйлықты табыстау рәсімі 24 қараша күні мемлекеттік Кремль сарайында өтті. Кешті Сергей Светлаков пен Иван Ургант жүргізді.

Stan.kz