Тәж-Махалға келушілерге шектеу қойылады

Үнді билігі әлемдегі ең танымал сәулет ғимараты Тәж-Махалға кіруге шектеу қоюды жоспарлап отыр.Бұл туралы South China Morning Post жазады, деп хабарлайды Вaq.kz ақпарат агенттігі lenta.ru басылымына сілтеме жасап.

Бұл шара тарихи ескерткіштің жақсы сақталуы үшін қолға алынады. Агра қаласында орналасқан мұра ақ мәрмәрдан салынған. 2016 жылы оған 6,5 миллионнан аса адам кірген. Олардың көпшілігі – үнділер.
Егер нормативтік актінің жобасы бекітілсе, онда Тәж-Махалға күніне 40 мың адам ғана кіре алады. Қазір демалыс және мереке күндері 70 мың адамға дейін келеді. Бірақ шетелден келген туристерге шектеу қойылмауы мүмкін. Шетелдіктер кесенеге кіру үшін 1000 рупий, ал үндістандықтар 40 рупий төлейді.