Ұлттық банк 200 теңгелік тиын шығарады
Қазақстанның Ұлттық банкі 2020 жылы 200 теңгелік тиын шығаратынын мәлімдеді, деп хабарлайды Stan.kz ақпарат агенттігі.
Қаржы реттегіштің басты мақсаты — қолма-қол ақшаны сапалы ету.
"Құны төмен банкноталар 1-1,5 жыл аралығында тозып кетеді. Құны жоғары банкноталар мен тиындардың жарамдылық мерзімі ұзаққа жетеді. Тиындардың қызмет мерзімі — 10-15 жыл", — дейді қолма-қол ақша айналысы департаментінің басшысы Жомарт Қажымұратов.
Құны төмен банкноталардың қызмет мерзімін ұзарту үшін 200 теңгелік тиын шығару туралы шешім қабылданды.
200 теңгелік тиындар ақша айналымының 26 пайызын құрайды. Қағаз 200 теңгелер қолданыстан шықпайды.
Қажымұратовтың сөзінше, қағаз түріндегі бұл ақша қолданыстан бірте-бірте тозып кетуіне байланысты шығып кетеді.
