Биыл Қазақстан тез әзірленетін кеспе экспорттайды

2018 жылы маусым айының соңында Алматы облысында жаңа зауыт ашылады. Ал тез әзірленетін кеспені кәсіпорындар сәуір айында шығарады, деп хабарлайды Baq.kz ақпарат агенттігі облыс әкімдігінің сайтына сілтеме жасап.

«Маревен Фуд Тянь-Шань» азық-түлік өндіру зауыты Қапшағайдағы «Арна» индустриалды зонасында орналасқан. Алдағы уақытта аталған зауыттан 15 атаулы өнім шығарылады деп күтілуде. Кеспеден өзге дәмдеуіштер мен макарондар шығарылады.
Биыл инвесторлар жоспарына сәйкес, сауда көлемі 24 млрд теңгені құрайды. Өнімнің 70%-ы Азия, Моңғолия және ҚХР сынды мемлекеттерге тасымалданады.
Өндіріс кезінде қазақстандық бес өнім қолданылады. Олардың құрамына ұн, тұз және қалың қатырма қағаз кіреді. Мұнымен қатар, зауыт 90%-ы жергілікті тұрғындар болатын 500 адамды жұмыс орнымен қамтамасыз етеді.