» » Қазақстан жаңа Су-30 әскери ұшақтарын сатып алды

Қазақстан жаңа Су-30 әскери ұшақтарын сатып алды


Су-30 ұшақтары 4++ дәуіріне тиесілі. Ал ұшу және тактико-техникалық сипаттарына қарай авиақұрылыс саласындағы ғылыми-техникалық прогресстің үздігі деп танылатын бесінші дәуір ұшақтарына жуықтайды.

«Бұл типтегі ұшақтарды жасауда озат технологиялар қолданылған. Олардың ақпараттық-басқару жүйесі жаңа навигациялық кешен - көпқызметті дисплеймен жабдықталған. Ұшақ көтеріп ұша алатын қарулар саны екі есе артты. Ол дәлдеу қабілеті жоғары бомбалар, алыс және жақын қашықтықтан басқаруға болатын «ауа-ауа» класындағы және радио локация мен кемеге қарсы зымырандарды қолдана алады», - дейді 21 751 әскери бөлімінің командирі Асқар Ізбасов.

ҚР Қорғаныс министрлігінің ақпаратына сүйенсек, аталған ұшақтар әуедегі үстемдікті иеленіп, әуе, жер және теңіздегі жаудың аэродромын бұғаттау үшін керек. Тағы да бір артықшылығы – қиын метереологиялық жағдайларда қолданылуы.
03 қаңтар 2018 ж. 1 136 0