Қостанай облысында қабырға құлап 10 жасар оқушыны басып қалды
Қостанай облысында 10 жасар бала қабырға астында қалды. Үй сүрілуі тиіс ғаимарат болған.
Бұл туралы Stan.kz ақпараттық агенттігі Қостанай жаңалықтарына сілтеме жасап хабарлайды.
Қарабалық ауданының білім бөлімінің меңгерушісі Дилнара Сапанованың айтуынша, балалар үйдің жанында ойнап, сол маңға велосипедтерін қалдырады. Қайтып келгенде, жақтауға отырады. Осы кезде қабырға құлап бір баланы басып қалды. Қалғаны қашып кетті.
Дереу жедел жәрдем қызметі шақырылды. Бала облыстық ауруханаға жетізілді. Оған ота жасалды. Баланың жамбас сүйектері сынғанын анықтады.
Қазір ем алу үстінде.
Жергілікті билік пен педагогтер баланың ата-анасымен хабарласып, тиісті көмек көрсетуді өз мойнына алды.
Stan.kz
