Таңғы ас ішпейтін адамның қандай ауруға шалдығатыны белгілі болды

Зерттеу нәтижесінде таңғы ас ішпейтін жасөспірімдердің денсаулығы нашарлағаны анықталды.

Бразилиядағы Сан-Паулу университетінің медициналық мектеп ғалымдары мен еуропалық зерттеушілер таңғы ас ішпейтін жасөспірімдердің семіздікке, сондай-ақ екінші типтегі диабет пен жүрек-қан тамырлары ауруларына шалдығуы мүмкін екенін анықтады, деп жазады ktk.kz.

MedicalXpress хабарлауынша, зерттеушілер Еуропада тұратын 12,5–17,5 жас аралығындағы және 14-18 жастағы бразилиялық 3528 жасөспірімніңденсаулығына қатысты деректерге талдау жүргізген.

Бұл балалардың өмір салты (физикалық белсенділігі мен жейтін тамағын қоса алғанда) мен түрлі ауруларға шалдығу қаупінің арасындағы байланысты зерттеуге мүмкіндік берді. Мамандар оларды дене салмағын, бойын, белінің өлшемін есептеген.

Зерттеу нәтижесінде ғалымдар таңғы асты анда-санда ғана ішетін жасөспірімдер күнделікті тамақтанатындарға қарағанда семіздікке жиі шалдығады деген қорытындыға келеді. Таңғы ас ішпейтін ер балалардың белі басқалармен салыстырғанда 2,13-2,61 сантиметрге, ал қыздардың белі 1,97 сантиметрге ұзын болған. Балалардың салмағы да жақсы ұйқыға қарамастан артып отырған.

ERNUR.KZ