Түркістан қаласында жарылыс болды
Бүгін, 10 қыркүйекте, Түркістан қаласында жарылыс болды, деп хабарлайды Stan.kz ақпарат агенттігі.
ТЖК-ның баспасөз қызметіндегілердің мәліметінше, 10 қыркүйекте кешкі сағат 19:00-дің шамасында Royal Grand Hotel қонақ үйінің аумағында газ баллондары толтырылған «ЗИЛ» маркалы көлік өртенген. Жарылыс салдарынан өрт мейрамхананың шатырына тарап, шамамен 1 400 шаршы метр аумақты шарпыған.
Зардап шеккендер мен құрбан болғандар жоқ. Өртті сөндіруге облыстық ТЖД-ның 70 қызметкері мен 14 техника жұмылдырылған.
